പാനൂര്‍: വാഹനം തടഞ്ഞു നിര്‍ത്തി യുവാവിനെ മര്‍ദിച്ചതായി പരാതി. കടവത്തൂര്‍ എലിത്തോട് പാലത്തിനു സമീപം ഇന്നലെ രാത്രിയാണു സംഭവം. തലശ്ശേരിയില്‍ ഡോക്ടറെ കാണിച്ചു ഉമ്മയും സഹോദരിയുമൊന്നിച്ചു വരികയായിരുന്ന നരിക്കൂട്ടുമ്മല്‍ നൗഫലി (19)നെയാണ്  മര്‍ദിച്ചത്. കടവത്തൂരിലെ ആര്‍.കെ സതീഷനാണ് അക്രമിച്ചതെന്നാണ് പരാതി. നൗഫലിനെ പളളൂര്‍ ഗവ. ആശുപത്രിയില്‍ പ്രവേശിപ്പിച്ചു. കൊളവല്ലൂര്‍ പൊലിസ് കേസെടുത്തു.