തിരൂര്‍: 'നന്മ കൊണ്ട് നാടൊരുക്കാം, വിദ്യ കൊണ്ട് കൂട് തീര്‍ക്കാം' എന്ന പ്രമേയവുമായി നടക്കുന്ന സമസ്ത കേരള സുന്നി ബാലവേദി സില്‍വര്‍ ജൂബിലിയുടെ ഭാഗമായി എസ്.കെ.എസ്.ബി.വി മലപ്പുറം വെസ്റ്റ് ജില്ലാ പ്രസിഡന്റ്  പാണക്കാട് സയ്യിദ് റാജിഹലി ശിഹാബ് തങ്ങള്‍ നയിക്കുന്ന പ്രചാരണ സന്ദേശ യാത്ര ഇന്ന് രാവിലെ ഒന്‍പതരക്ക് കടലുണ്ടിനഗരം ജമലുല്ലൈലി മഖാം സിയാറത്തിന് ശേഷം ജംഇയ്യതുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി അബ്ദുല്‍ ഖാദര്‍ അല്‍ ഖാസിമി ഉദ്ഘാടനം ചെയ്യും.
തുടര്‍ന്ന് 10.15 ചെട്ടിപ്പടി, 10.45 പരപ്പനങ്ങാടി, 1130 താനൂര്‍, 12.00 പുത്തന്‍തെരു, 12.30 പൂക്കയില്‍, 3.00തിരൂര്‍, 3.30 ബി.പി അങ്ങാടി, 4.00 വാക്കാട് എന്നീ കേന്ദ്രങ്ങളിലെ സ്വീകരണങ്ങള്‍ക്ക് ശേഷം കൂട്ടായി റഹ്മത്ത് പള്ളി പരിസരത്ത് പൊതുസമ്മേളനത്തോടെ സമാപിക്കും. മഗ്‌രിബ് നിസ്‌കാര ശേഷം നടക്കുന്ന സമാപന സമ്മേളനം എസ്.കെ.എസ്.എസ്.എഫ് വെസ്റ്റ് ജില്ലാ പ്രസിഡന്റ്  സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി ഉദ്ഘാടനം ചെയ്യും. നാസര്‍ ഫൈസി കൂടത്തായി മുഖ്യ പ്രഭാഷണം നടത്തും. ഇന്നലെ പാണക്കാട് നടന്ന ചടങ്ങില്‍ സയ്യിദ് സ്വാദിഖലി ശിഹാബ് തങ്ങള്‍ ജാഥാ ക്യാപ്റ്റന് പതാക കൈമാറി. നൗഷാദ് ചെട്ടിപ്പടി അധ്യക്ഷനായി. അനീസ് ഫൈസി മാവണ്ടിയൂര്‍, റബീഉദ്ദീന്‍ വെന്നിയൂര്‍, ഫാഇസ് ഇബ്രാഹിം, സവാദ് പൂക്കിപ്പറമ്പ് സംബന്ധിച്ചു.