അബുദാബി: ഒമാന്‍ ഞങ്ങളില്‍ നിന്ന്, ഞങ്ങള്‍ അതില്‍ നിന്ന് എന്ന മുദ്രാവാക്യത്തോടെ ഒമാന്റെ 50ാം വാര്‍ഷികാഘോഷത്തില്‍ യുഎഇയും പങ്കാളികളായി. സുവര്‍ണ്ണ ജൂബിലി ആഘോഷങ്ങള്‍ക്ക് മിഴിവേകാന്‍ ഒമാന്‍ പതാകയുടെ നിറങ്ങളിലുള്ള ലൈറ്റുകളാണ് തെരുവിലെരുക്കിയത്. ബുര്‍ജ് ഖലീഫയും ഒമാനിയന്‍ നിറങ്ങളില്‍ പ്രകാശിച്ച് ആഘോഷങ്ങളിലും രാജ്യങ്ങള്‍ തമ്മിലുള്ള സൗഹൃദത്തിലും പങ്കാളിയായി.

ഷൈഖ് ഖലീഫ ബിന്‍ സൈദ് അല്‍ നഹ്യാന്‍ ഒമാന്‍ സുല്‍ത്താന്‍ ഹൈതം ബിന്‍ താരിഖ് അല്‍ സൈദിന് ആശംസകളറിയിച്ച് കത്തയച്ചു. ദുബായ് ഭരണാധികാരി ഷൈഖ് മുഹമ്മദ് റാഷിദ് അല്‍ മക്തൂം, രാജ കുമാരനും ഡെപ്യൂട്ടി സുപ്രിം കമാന്‍ഡറുമായ ഷൈഖ് മുഹമ്മദ് ബിന്‍ സൈദ് അല്‍ നഹ്യാന്‍ എന്നിവരും ഒമാന്‍ സുല്‍ത്താന് ആശംസകളയച്ചു.

കൊവിഡിനെ തുടര്‍ന്ന് എട്ട് മാസമായി അടച്ചിട്ടിരുന്ന ഇരു രാജ്യങ്ങളെയും തമ്മില്‍ ബന്ധിപ്പിക്കുന്ന പാതകള്‍ ദേശീയ ദിനത്തില്‍ തുറന്നു.