തൃശൂര്‍: വ്യാജരേഖകളുമായി കുട്ടികളുമായെത്തിയ കന്യാസ്ത്രീകളടങ്ങുന്ന സംഘം തൃശൂരില്‍ പിടിയിലായി. പ്രായപൂര്‍ത്തിയാവാത്ത പെണ്‍കുട്ടികള്‍ അടക്കം ഒന്‍പത് കുട്ടികളെയാണ് രണ്ടു കന്യാസ്ത്രീകള്‍ ട്രെയിനില്‍ കൊണ്ടു വന്നിരുന്നത്. കോട്ടയം, ഇരിങ്ങാലക്കുട, മാപ്രാണം എന്നിവിടങ്ങളിലെ കോണ്‍വെന്റുകളിലേക്കുള്ളതാണ് കുട്ടികളെന്ന് പറയുന്നു.
യഥാര്‍ഥമെന്നു തോന്നുന്ന വിധത്തില്‍ കുട്ടികള്‍ക്ക് ആധാര്‍കാര്‍ഡ് വ്യാജമായി തയാറാക്കിയിരുന്നു. തൃശൂര്‍ റെയില്‍വേ സ്‌റ്റേഷനില്‍ വച്ച് ചൈല്‍ഡ് ലൈനിന് സംശയം തോന്നി ഇവരെ ചോദ്യം ചെയ്യുകയായിരുന്നു.