ആലപ്പുഴ: ഒരു വര്‍ഷക്കാലത്തെ ഭരണത്തിനുള്ളില്‍ കേരളത്തെ അക്രമികളുടെ പറുദീസയാക്കി ഇടതു സര്‍ക്കാര്‍ മാറ്റിയെന്ന് ഡി സി സി പ്രസിഡന്റ് അഡ്വ. എം ലിജു പറഞ്ഞു.
യൂത്ത് മാര്‍ച്ചിന് ആലപ്പുഴ നല്‍കിയ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ആലപ്പുഴയില്‍ കൊലക്കേസ് പ്രതികളെ സംരക്ഷിക്കുന്ന നിലപാടാണ് സി പി എം സ്വീകരിക്കുന്നത്. നഗരത്തിലെ ആലിശ്ശേരിയില്‍ മുഹ്‌സിനെ കൊലപ്പെടുത്തിയ കേസിലെ പ്രതികള്‍ സി പി എമ്മിന്റെ സംരക്ഷണ തണലിലാണെന്ന് എം ലിജു കുറ്റപ്പെടുത്തി.
ജാഥാ ക്യാപ്റ്റന്‍ ഡീന്‍ കുര്യാക്കോസിന് ഉജ്ജ്വല സ്വീകരണം നല്‍കി. യൂത്ത് കോണ്‍ഗ്രസ് ജില്ലാ പ്രസിഡന്റ് എസ് ദീപു അധ്യക്ഷത വഹിച്ചു. മുന്‍ ഡി സി സി പ്രസിഡന്റ് എ എ ഷുക്കൂര്‍, അഡ്വ. ഡി സുഗതന്‍, അഡ്വ. വി ഷുക്കൂര്‍, ആദം മുല്‍സി, വിദ്യ ബാലകൃഷ്ണന്‍, അവിനാശ് ഗംഗന്‍, ശാസ്താംകോട്ട സുധീര്‍, ഇല്ലിക്കല്‍ കുഞ്ഞുമോന്‍, സഞ്ജീവ് ഭട്ട്, സജില്‍ ഷറീഫ്, നൂര്‍ദ്ദീന്‍ കോയ തുടങ്ങിയവര്‍ പ്രസംഗിച്ചു.