പൊന്നാനി: പുനര്‍  നിര്‍മിച്ച ബിയ്യം ജുമാ മസ്ജിദിന്റെ ഉദ്ഘാടനം നാളെ നടക്കും. മഗ്‌രിബ്  നിസ്‌കാരത്തിന്ന് മഹല്ല് ഖാദി കൂടിയായ പാണക്കാട് സയ്യിദ് ഹൈദരലി ശിഹാബ് തങ്ങളാണ്  ഉദ്ഘാടനം ചെയ്യുക. ഖുതുബ്ഖാനയുടെ ഉദ്ഘാടനം കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലിയും  നിര്‍വഹിക്കും.
തുടര്‍ന്ന് നടക്കുന്ന മാനവ മൈത്രി സമ്മേളനം സമസ്ത  ജനറല്‍ സെക്രട്ടറി ആലിക്കുട്ടി മുസ്‌ലിയാര്‍ നിര്‍വഹിക്കും. ഇ.ടി മുഹമ്മദ് ബഷീര്‍  എം.പി മുഖ്യാതിഥിയാവും. സ്പീക്കര്‍ പി.ശ്രീരാമകൃഷ്ണന്‍ ഇ മഹല്ല് സംവിധാനത്തിന്റെ സമര്‍പ്പണവും അബ്ദുസമദ്  പൂക്കോട്ടൂര്‍ മുഖ്യ പ്രഭാഷണവും നിര്‍വഹിക്കും.
ജില്ലാ  പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, പൊന്നാനി നഗരസഭാ ചെയര്‍മാന്‍  സി. പി മുഹമ്മദ്  കുഞ്ഞി, കാട്ടാകാമ്പല്‍ കാര്‍മല്‍ മാര്‍ത്തോമ ചര്‍ച്ച് വികാരി ഫാദര്‍ ജോണ്‍ ഈഷോ ഗുരുവായൂര്‍,  ധര്‍മ്മവിഹാര്‍ ആശ്രമാധിപതി ഡോ ആത്മദാസ് യമി സ്വാമികള്‍ എന്നിവര്‍ സംബന്ധിക്കും. തുടര്‍ന്ന് നടക്കുന്ന ദിവസങ്ങളില്‍ റഹ്മത്തുല്ലാഹ് ഖാസിമി  മുത്തേടം, ആനമങ്ങാട്  മുഹമ്മദ് കുട്ടി ഫൈസി, ഹസ്സന്‍ സഖാഫി പൂക്കോട്ടൂര്‍ എന്നിവര്‍ പ്രഭാഷണം നടത്തും.
മജ്‌ലിസുന്നൂര്‍  ആത്മീയ സദസിന് കോഴിക്കോട് ഖാസി സയ്യിദ് അബ്ദുല്‍ഹയ്യ് നാസിര്‍ ശിഹാബ് തങ്ങള്‍ പാണക്കാട്,  സയ്യിദ് ഹിഫ്‌ളുറഹ്മാന്‍ തങ്ങള്‍ പാണ്ടിക്കാട് തുടങ്ങിയവര്‍ നേതൃത്വം നല്‍കും.
അത്തിപ്പറ്റ മുഹ്യുദ്ദീന്‍കുട്ടി മുസ്‌ലിയാര്‍, സയ്യിദ് ഫക്രുദീന്‍ തങ്ങള്‍ കണ്ണന്തളി എന്നിവര്‍ ചടങ്ങില്‍ സംബന്ധിക്കും. എം.പി യൂസഫ് അമീര്‍, അക്ബറലി നിസാമി മഞ്ചേരി, ഇബ്രാഹിം മാസ്റ്റര്‍, എം.പി മുക്താര്‍, ഷബീര്‍ ബിയ്യം, കെ കബീര്‍, ഫര്‍ഹാന്‍ ബിയ്യം എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.