കൊല്ലം: മുന്നാക്ക വിഭാഗങ്ങളിലെ പാവപ്പെട്ടവര്‍ക്ക് പത്ത് ശതമാനം സംവരണം ഏര്‍പ്പെടുത്തിയത് പോലെ പിന്നാക്ക വിഭാഗങ്ങളിലെ പാവപ്പെട്ടവര്‍ക്കും പ്രത്യേക സംവരണം ഏര്‍പ്പെടുത്തണമെന്ന് എസ്.എന്‍.ഡി.പി യോഗം ജന. സെക്രട്ടറി വെള്ളാപ്പള്ളി നടേശന്‍ പറഞ്ഞു. വെള്ളാപ്പള്ളി നടേശന്‍ സ്‌നേഹഭവനം പദ്ധതിയില്‍ ഉള്‍പ്പെടുത്തി കൊല്ലം യൂനിയന്‍ നിര്‍മിച്ച ആദ്യ വീടിന്റെ സമര്‍പ്പണവും പുതുതായി നിര്‍മിക്കുന്ന 25 വീടുകളുടെ തറക്കല്ലിടലും നിര്‍വഹിക്കുകയായിരുന്നു അദ്ദേഹം.