കല്‍പ്പറ്റ: നബാര്‍ഡിന് കീഴില്‍ രൂപീകരിച്ച കാര്‍ഷികോല്‍പാദക കമ്പനികളുടെ സംയുക്താഭിമുഖ്യത്തില്‍ കല്‍പ്പറ്റ പുതിയ ബസ് സ്റ്റാന്‍ഡില്‍ നടക്കുന്ന മലബാര്‍ അഗ്രി ഫെസ്റ്റിനുള്ള സ്റ്റാളുകളുടെ നിര്‍മാണം പൂര്‍ത്തിയായി.
നാളെ മുതല്‍ 28 വരെയാണ് അഗ്രി ഫെസ്റ്റ്. നാളെ വൈകുന്നേരം 4.30ന് ഉദ്ഘാടന സമ്മേളനം നടക്കും. വിത്തുകളുടെ പ്രദര്‍ശനവും കൈമാറ്റവും കാര്‍ഷിക വ്യവസായിക പ്രദര്‍ശനം, വിപണനം, സെമിനാറുക, ഭക്ഷ്യമേള, വളര്‍ത്തുമൃഗങ്ങളുടെയും പക്ഷികളുടെയും പ്രദര്‍ശനം, സയന്‍സ് ഫെസ്റ്റ്, എജുഫെസ്റ്റ്, മാംഗോ ഫെസ്റ്റ്, ചക്ക മഹോത്സവം, ഹണി ഫെസ്റ്റ്, ഇഫ്താര്‍ പാര്‍ട്ടി, ദിവസവും കലാപരിപാടികള്‍ എന്നിവ മേളയോടനുബന്ധിച്ചുണ്ടാകും.
വിവിധ  പ്രൊഡ്യൂസര്‍ കമ്പനികളുടെ മൂല്യ വര്‍ധിത ഉല്‍പ്പന്നങ്ങളുടെയും പ്രദര്‍ശനവും വില്‍പ്പനയും അഗ്രി ഫെസ്റ്റിന്റെ ഭാഗമായി നടക്കും.