ഭോപ്പാല്‍: ഗാന്ധി കുടുംബത്തിന് പുറത്തുനിന്നൊരാള്‍ കോണ്‍ഗ്രസ് അധ്യക്ഷ സ്ഥാനത്ത് വരണമെന്ന ആവശ്യവുമായി മധ്യപ്രദേശ് യൂത്ത് കോണ്‍ഗ്രസ് നേതാവ് ആനന്ദ് ദുബെ.
അധ്യക്ഷ സ്ഥാനത്തുനിന്ന് രാജിവച്ചെങ്കിലും രാഹുല്‍ ഗാന്ധിയുടെ തീരുമാനം അംഗീകരിക്കേണ്ടതില്ലെന്ന് കോണ്‍ഗ്രസ് പ്രവര്‍ത്തക സമിതി ഏകകണ്ഠമായി പ്രഖ്യാപിച്ചിട്ടുണ്ടെങ്കിലും ഇതിന് വിരുദ്ധമായാണ് യൂത്ത് കോണ്‍ഗ്രസ് നേതാവിന്റെ ആവശ്യം. ഇക്കാര്യം ചൂണ്ടിക്കാട്ടി അദ്ദേഹം രാഹുല്‍ ഗാന്ധിക്ക് കത്തയച്ചിട്ടുണ്ട്. പാര്‍ട്ടി അധ്യക്ഷ സ്ഥാനത്ത് ഗാന്ധി കുടുംബത്തിലല്ലാത്ത ഒരാള്‍ വരുന്നത് കോണ്‍ഗ്രസിന് എന്തുകൊണ്ടും യോജിച്ചതാണ്. പാര്‍ട്ടിയെ നയിക്കാന്‍ തയാറല്ലെന്ന് രാഹുല്‍ ഗാന്ധി പറയുമ്പോള്‍ പാര്‍ട്ടി നേതാക്കളുടെ കൂട്ടായ്മ എന്തുകൊണ്ടാണ് അദ്ദേഹത്തെ വിട്ടുപോകാന്‍ അനുവദിക്കാത്തതെന്ന് ദുബെ ചോദിച്ചു.