നിലമ്പൂര്‍: കുരുന്നുകളുടെ നേതൃത്വത്തില്‍ രൂപം കൊടുത്ത ചിത്രങ്ങളുടെ പ്രദര്‍ശനത്തിന് നിലമ്പൂര്‍ ഗവ. മോഡല്‍ യു.പി സ്‌കൂളില്‍ തുടക്കമായി. ചക്കാലക്കുത്ത് മിഥില സ്‌കൂള്‍ ഓഫ് ആര്‍ട്‌സ് ആണ് പ്രദര്‍ശനം സംഘടിപ്പിക്കുന്നത്. എല്‍.പി, യു.പി, ഹൈസ്‌കൂള്‍ തലത്തിലുള്ള കുട്ടികളുടെ നൂറിലധികം ചിത്രങ്ങളാണ് നിലമ്പൂര്‍ മോഡല്‍ .യു.പി സ്‌കൂളില്‍ പ്രദര്‍ശനത്തിനായി ഒരുക്കിയിട്ടുള്ളത്. പ്രകൃതിയുടെ മേല്‍ മനുഷ്യന്റെ കടന്നുകയറ്റങ്ങളുടെ വിവിധ ഭാവനങ്ങള്‍ കുരുന്നുകളുടെ ചിത്രങ്ങളില്‍ വിരിഞ്ഞു. പ്രദര്‍ശനം പ്രശസ്ത ചിത്രകാരനും ലിംക ബുക്ക്് ഓഫ് റിക്കാര്‍ഡ്‌സിന് ഉടമയുമായ മനു കള്ളിക്കാട് ചിത്രം വരച്ച് ഉദ്ഘാടനം ചെയ്തു. ചടങ്ങില്‍ കെ.വി രാമനാഥന്‍ അധ്യക്ഷനായി. ആര്‍ടിസ്റ്റ് കെ.ജി തോമസ്, ശില്‍പി ശിവന്‍, ബിന്ദു ശിവന്‍, ശ്യാമ ശിവന്‍ സംസാരിച്ചു. പ്രദര്‍ശനം ഇന്ന് സമാപിക്കും.