പരപ്പനങ്ങാടി: വേങ്ങരയിലും പരസര പ്രദേശങ്ങളിലും കഞ്ചാവ് വില്‍പന നടത്തിവന്നയാള്‍ പിടിയില്‍. വേങ്ങര പറപ്പൂര്‍ സ്വദേശി പട്ടികത്തൊടി സിദ്ദീഖി (47) നെയാണ്  330 ഗ്രാം  കഞ്ചാവുമായി പരപ്പനങ്ങാടി എക്‌സൈസ് ഇന്‍സ്‌പെക്ടര്‍ അന്‍ഷാദും പാര്‍ട്ടിയും പിടികൂടിയത്. ഇയാള്‍ കഞ്ചാവ് കടത്താന്‍ ഉപയോഗിച്ച ഹോണ്ട ഡിയോ സ്‌കൂട്ടറും കസ്റ്റഡിയിലെടുത്തിട്ടുണ്ട്.
അസി.എക്‌സൈസ് ഇന്‍സ്‌പെക്ടര്‍ ടി.വി സുരേന്ദ്രന്‍, പ്രിവന്റീവ് ഓഫിസര്‍ വി.കെ സൂരജ്, സിവില്‍ എക്‌സൈസ് ഓഫിസര്‍മാരായ പി. ബിജു, കെ.പ്രദീപ് കുമാര്‍, അബ്ദുസമദ്, വനിത സിവില്‍ എക്‌സൈസ് ഓഫിസര്‍ സിന്ധു പട്ടേരി, എക്‌സൈസ് ഡ്രൈവര്‍ ശൈലേന്ദ്രന്‍ എന്നിവര്‍ പങ്കെടുത്തു.