കാരന്തൂര്‍: കുരുവട്ടൂര്‍ പഞ്ചായത്ത്  എട്ടാംവാര്‍ഡില്‍ തൊഴിലുറപ്പ്പദ്ധതിയിലുള്‍പ്പെടുത്തി കോണ്‍ക്രീറ്റ് ചെയ്ത ഇരിപ്പോടമണ്ണില്‍-തോട്ടത്തില്‍മുക്ക് റോഡ് പഞ്ചായത്ത് പ്രസിഡന്റ് പി. അപ്പുക്കുട്ടന്‍ ഉദ്ഘാടനം ചെയ്തു.
വാര്‍ഡ് മെംബര്‍ എം.കെ ലിനി അധ്യക്ഷയായി. ടി.സി അബ്ദുറഹിമാന്‍ കുട്ടി, എം.കെ പുഷ്പാനന്ദന്‍, ടി. രാഘവന്‍, ഷമീര്‍തോട്ടത്തില്‍, ടി. സതീഷന്‍,എന്‍. അബൂബക്കര്‍, മധു കൊടമ്പാട്ടില്‍ സംസാരിച്ചു.
രാമനാട്ടുകര: പുനര്‍നിര്‍മാണം നടത്തിയ രാമനാട്ടുകര നഗരസഭ മാരാത്ത് താഴം -കോലോര്‍ക്കുന്ന് റോഡ് വി.കെ.സി മമ്മദ് കോയ എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ വാഴയില്‍ ബാലകൃഷ്ണന്‍ അധ്യക്ഷനായി. വൈസ് ചെയര്‍പേഴ്‌സണ്‍ പി.കെ സജ്‌ന, പൊതുമരാമത്ത് ചെയര്‍പേഴ്‌സണ്‍ കെ. ജമീല, രാജന്‍ പുല്‍പ്പറമ്പില്‍, പി.പി പുഷ്പമണി, പെരുമ്പില്‍ കൃഷ്ണന്‍, കുഞ്ഞാടി മാസ്റ്റര്‍, രാജേഷ് നെല്ലിക്കോട്ട്, എം. ശിവദാസന്‍ ഹനീഫ സംസാരിച്ചു. ടി.സി ബാബുരാജന്‍ സ്വാഗതവും വിപിന്ന കൃഷ്ണന്‍ നന്ദിയും പറഞ്ഞു.
കിനാലൂര്‍: പനങ്ങാട് പഞ്ചായത്ത് എട്ടാം വാര്‍ഡിലെ തച്ചംപൊയില്‍-പാലംതല റോഡ് പഞ്ചായത്ത് പ്രസിഡന്റ് വി.എം കമലാക്ഷി ഉദ്ഘാടനം ചെയ്തു.
വാര്‍ഡ് മെംബര്‍ ഇ.പി അബ്ദുല്‍ ലത്തീഫ് മാസ്റ്റര്‍ അധ്യക്ഷനായി. വി.വി ഷിജാസ്, എന്‍.കെ ആഷിഖ്, സിദ്ദീഖ് ചാത്തോത്ത്, അസീസ് വലിയവയല്‍, സാജി മഠത്തില്‍, കെ.കെ സാജിദ   സംസാരിച്ചു.