കോഴിക്കോട്: എസ്.കെ.എസ്.എസ്.എഫ് ട്രെന്റ് സംസ്ഥാന സമിതിയുടെ ആഭിമുഖ്യത്തില്‍ ജൂലൈ 20 ന് മഞ്ചേരിയില്‍ ആന്‍ഡമാന്‍ മലയാളി കോണ്‍ഫറന്‍സ് നടത്തും. മലബാര്‍ സമരത്തിന്റെ നൂറാം വാര്‍ഷികത്തിന്റെ ഭാഗമായി നടക്കാനിരിക്കുന്ന മലബാര്‍ ഹിസ്റ്ററ്റി കോണ്‍ഗ്രസിന്റെ മുന്നോടിയായാണ് പരിപാടി സംഘടിപ്പിക്കുന്നത്. സ്വാതന്ത്ര്യ സമരകാലത്ത് ആന്‍ഡമാനിലേക്ക് നാടുകടത്തപ്പെട്ട ആന്‍ഡമാനിലേയും കേരളത്തിലേയും പിന്‍മുറക്കാരാണ് പരിപാടിയില്‍ സംബന്ധിക്കുന്നത്. പരിപാടിയില്‍ പങ്കെടുക്കുന്നവര്‍ക്കായി എസ്.കെ.എസ്.എസ്.എഫ് ആന്‍ഡമാന്‍ സംസ്ഥാന ഘടകം മുഖേന രജിസ്‌ട്രേഷന്‍ ഊര്‍ജിതമായിട്ടുണ്ട്.

പ്രതിനിധി സംഗമം, ചരിത്ര സെമിനാര്‍, സാംസ്‌കാരിക സദസ്, വിദ്യാഭ്യാസ ചര്‍ച്ച, ചരിത്ര പ്രാധാന്യമുള്ള സ്ഥലങ്ങളിലൂടെയുള്ള സന്ദര്‍ശനം തുടങ്ങിയവ നടക്കും. ചരിത്ര വിദ്യാര്‍ഥികള്‍ക്കും പൊതുജനങ്ങള്‍ക്കും പങ്കെടുക്കാവുന്ന രീതിയിലാണ് പരിപാടി ഒരുക്കുന്നത്.