ആലപ്പുഴ: എസ്.ഇ.യു 35-ാമത് സംസ്ഥാന സമ്മേളനം സമാപിച്ചു. സി.എച്ച്. നഗറില്‍ നടന്ന പ്രതിനിധി സമ്മേളനം ഐ.യു.എം.എല്‍ ഉപാധ്യക്ഷന്‍ എ. യഹിയ ഉദ്ഘാടനം ചെയ്തു. സംസ്ഥാന വൈസ് പ്രസിഡന്റ് പി.സി. റഫീക്ക് അധ്യക്ഷനായി. എ. ഇര്‍ഷാദ്, ബാബു ഷെരീഫ് ,എസ്.ഇ.യു സെക്രട്ടറിയേറ്റ് മെമ്പര്‍ കെ.സി. കുഞ്ഞ്മുഹമ്മദ് എന്നിവര്‍ സംസാരിച്ചു.
സമാപന സമ്മേളനത്തില്‍ എസ്.ഇ.യു സംസ്ഥാന പ്രസിഡന്റ് നസീം ഹരിപ്പാട് അധ്യക്ഷനായി.
ഐ.യു.എം.എല്‍. ജനറല്‍ സെക്രട്ടറി എ.എം. നസീര്‍ ഉദ്ഘാടനം ചെയ്തു. എസ്.ഇ.യു സംസ്ഥാന ജനറല്‍ സെക്രട്ടറി എ.എം. അബൂബക്കര്‍, ട്രഷറര്‍ സിബി മുഹമ്മദ്, സെക്രട്ടറി നാസര്‍ നങ്ങാരത്ത്, എസ്.ഇ.യു ജില്ലാ പ്രസിഡന്റ് അബ്ദുസ്സലാം, സെക്രട്ടറി ഷെയ്ക്ക് ബിജു എന്നിവര്‍ പ്രസംഗിച്ചു. വി.പി. സമീര്‍ സ്വാഗതവും എ. സജീവ് നന്ദിയും പറഞ്ഞു.