നെടുങ്കണ്ടം: വാഹന പരിശോധനയ്ക്കിടെ 65 ഗ്രാം കഞ്ചാവുമായി അഞ്ചുപേര്‍ കമ്പംമെട്ട് ചെക്ക്‌പോസ്റ്റില്‍ പിടിയിലായി.
എക്‌സൈസ്, പൊലിസ് വിഭാഗങ്ങള്‍ കഴിഞ്ഞദിവസം രാത്രി നടത്തിയ വാഹനപരിശോധനയിലാണ് 65 ഗ്രാം കഞ്ചാവ് കാറില്‍ നിന്നു കണ്ടെത്തിയത്. കട്ടപ്പന മേപ്പാറ സ്വദേശികളായ ചക്കയ്യന്‍(47), ലോഗേശ്വരന്‍(19),അയ്യപ്പന്‍(44), ഈശ്വരന്‍(34), മുത്തുസെല്‍വം(28) എന്നിവരാണ് അറസ്റ്റിലായത്.
സ്വന്തം ആവശ്യത്തിനു ഉപയോഗിക്കുന്നതിനായി കമ്പത്ത് നിന്നും കഞ്ചാവ് വാങ്ങി അതിര്‍ത്തിവഴി കടന്നുപോകാന്‍ എത്തിയവരാണിവര്‍.  കമ്പംമെട്ട് എക്‌സൈസ് ഇന്‍സ്‌പെക്ടര്‍ ജിജി ഐപ്പ് മാത്യൂ, എക്‌സൈസ് ഓഫിസര്‍മാരായ രാജ്കുമാര്‍,അനിഷ്,ആനന്ദരാജ്, ജോണ്‍സണ്‍, സിവില്‍ പൊലിസ് ഓഫീസര്‍ സജി എന്നിവരടങ്ങിയ സംഘമാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ ജാമ്യത്തില്‍ വിട്ടയച്ചു.