കൊല്ലം: നെടുങ്കണ്ടം കസ്റ്റഡി മരണത്തില്‍ റിമാന്‍ഡ് റിപ്പോര്‍ട്ട് പുറത്ത്. ജൂണ്‍ 12 മുതല്‍ 15 വരെ രാജ്കുമാറിന് കസ്റ്റഡിയില്‍ ക്രൂരമര്‍ദ്ദനമേറ്റെന്നാണ് റിപ്പോര്‍ട്ട് പറയുന്നത്.

അതിനിടെ കേസില്‍ ഇന്ന് കൂടുതല്‍ അറസ്റ്റിന് സാധ്യതയുണ്ടെന്നാണ് സൂചന. സസ്‌പെന്‍ഷനിലായ മറ്റ് പൊലിസ് ഉദ്യോഗസ്ഥരെ ക്രൈംബ്രാഞ്ച് ഇന്ന് വീണ്ടും ചോദ്യം ചെയ്‌തേക്കും. പൊലിസ് കംപ്ലെയിന്റ്‌സ് അതോരിറ്റി ചെയര്‍മാന്‍ ജ.വി കെ മോഹനന്‍ ഇന്ന് നെടുങ്കണ്ടം പൊലിസ് സ്‌റ്റേഷനും സബ് ജയിലും സന്ദര്‍ശിക്കും. ജയില്‍ ഡി.ജി.പി ഋഷിരാജ് സിങും ഇന്ന് പീരുമേട് ജയില്‍ സന്ദര്‍ശിക്കും.