ആലപ്പുഴ: നെഹ്‌റു ട്രോഫി വള്ളംകളി മത്സരത്തില്‍ പങ്കെടുക്കാന്‍ രജിസ്റ്റര്‍ ചെയ്തത് 25 ചുണ്ടന്‍ വള്ളങ്ങള്‍.
രജിസ്‌ട്രേഷന്‍ ഇന്നലെ അവസാനിച്ചപ്പോള്‍ 25 ചുണ്ടന്‍ വള്ളങ്ങള്‍ ഉള്‍പ്പടെ 66 വള്ളങ്ങളാണ് രജിസ്റ്റര്‍ ചെയ്തത്. വെപ്പ് എ ഗ്രേഡ്-എട്ട് എണ്ണം, വെപ്പ് ബി ഗ്രേഡ്-നാല്, ഇരുട്ടുകുത്തി എ ഗ്രേഡ്-5, ഇരുട്ടുകുത്തി ബി ഗ്രേഡ്-16, ചുരുളന്‍-3, വനിത കെട്ടുവള്ളം-3, തറവള്ളം-2 എന്നിങ്ങനെയാണ് രജിസ്റ്റര്‍ ചെയ്തിട്ടുള്ളത്.
ക്യാപ്റ്റന്‍സ് മീറ്റിങ് ഇന്നു രാവിലെ 11ന് ആലപ്പുഴ മുല്ലയ്ക്കല്‍ ഗണപതി ക്ഷേത്രത്തിന് സമീപമുളള പുളിമൂട്ടില്‍ ട്രേഡ് സെന്ററില്‍ നടക്കും. ജലോല്‍സവത്തോട് അനുബന്ധിച്ചുളള നിബന്ധനകളും നിര്‍ദേശങ്ങളും എല്ലാ ടീമുകളെയും പരിചയപ്പെടുത്തും. ജലോത്സവത്തിന് രജിസ്റ്റര്‍ ചെയ്ത ചുണ്ടന്‍ വളളങ്ങളുടെയും കളിവളളങ്ങളുടെയും ക്യാപ്റ്റന്‍മാരും ലീഡിങ് ക്യാപ്റ്റന്‍മാരും നിര്‍ബന്ധമായും യോഗത്തില്‍  പങ്കെടുക്കണ്‍ണം.
ട്രാക്കും ഹീറ്റ്‌സും നറുക്കെടുപ്പ് ഉച്ചകഴിഞ്ഞ് മൂന്നിനു കലക്‌ട്രേറ്റ് കോണ്‍ഫറന്‍സ് ഹാളില്‍ നടക്കും.