കാഠ്മണ്ഡു: എവറസ്റ്റ് പര്‍വതാരോഹണത്തിനിടെ രണ്ടുപേര്‍ കൂടി മരിച്ചു. ഇതോടെ കഴിഞ്ഞ ഒരു മാസത്തിനിടയില്‍ എവറസ്റ്റ് കീഴടക്കാനുള്ള ശ്രമത്തിനിടെ മരിച്ചവരുടെ എണ്ണം ആറായി. ആസ്‌ത്രേലിയന്‍ പൗരനായ ഫ്രാന്‍സെസ്‌കോ എന്റിക്കോ മാര്‍ക്കെറ്റി(54) എവറസ്റ്റിന്റെ തിബറ്റന്‍ ഭാഗത്തുവച്ചാണ് മരിച്ചത്. സ്ലൊവേക്യക്കാരനായ വ്‌ളാദ്മിര്‍ സ്തര്‍ബ(48) നേപ്പാളിന്റെ കിഴക്കുഭാഗത്തു വച്ച് താഴേക്ക് വീണും മരിച്ചു.ഫ്രാന്‍സെസ്‌കോ സമുദ്രനിരപ്പില്‍നിന്ന് 27,230 അടി ഉയരത്തില്‍ വച്ചാണ് മരിച്ചത്. വ്‌ളാദ്മിര്‍ 27,500 അടി ഉയരത്തില്‍ വച്ചും മരണത്തിനു കീഴടങ്ങി.