കിഷന്‍ഗഞ്ച്് (ബിഹാര്‍): ദാറുല്‍ ഹുദാ ഇസ്‌ലാമിക് സര്‍വകലാശാലയുടെ പൂര്‍വ വിദ്യാര്‍ഥി സംഘടനയായ ഹാദിയയുടെ സാമൂഹിക നവജാഗരണ സംരംഭമായ പ്രയാണ്‍ ഫൗണ്ടേഷന്റെ മാതൃകാ വിദ്യാഭ്യാസ സ്ഥാപനമായ കൊര്‍ദോവ ഇന്‍സ്റ്റിറ്റ്യൂട്ട് ഓഫ് അക്കാദമിക് എക്‌സലന്‍സ് നിലവില്‍ വന്നു. സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വൈസ് ചാന്‍സലര്‍ ഡോ ബഹാഉദ്ദീന്‍ മുഹമ്മദ് നദ്‌വി മുഖ്യാതിഥിയായിരുന്നു.

ദാറുല്‍ ഹുദാ മാനേജ്‌മെന്റ് കമ്മിറ്റി സെക്രട്ടറി യു. മുഹമ്മദ് ശാഫി ഹാജി, സ്ഥാപന ഡയരക്ടര്‍ ഡോ. സുബൈര്‍ ഹുദവി ചേകനൂര്‍, കിഷന്‍ഗഞ്ച്് ജില്ലാ പഞ്ചായത്ത് മെമ്പര്‍ സര്‍വര്‍ ആലം, സാമൂഹിക പ്രവര്‍ത്തകന്‍ അബ്‌സാര്‍ ആലം സിദ്ധീഖി, സി.എസ്.ഇ വൈസ് ചെയര്‍മാന്‍ സി.ടി അബ്ദുല്‍ ഖാദര്‍ ഹാജി തൃക്കരിപ്പൂര്‍, ഹാദിയ നേതാക്കളായ ഒ.കെ സാലിം ഹുദവി, കെ.പി കബീര്‍ ഹുദവി, പി.ടി ശറഫുദ്ദീന്‍ ഹുദവി, അബ്ദുല്‍ റഷീദ് ദമാം, ഇബ്രാഹിം സൂഫി ചെര്‍ക്കള തുടങ്ങിയവര്‍ ചടങ്ങില്‍ സംബന്ധിച്ചു.