തൊടുപുഴ: മൊബൈല്‍ മോഷണം, പ്രതികള്‍ പിടിയില്‍.
മഞ്ഞള്ളൂര്‍ പാലക്കര വടക്കേക്കരവീട്ടില്‍ ലിബിന്‍ ബെന്നി(28), ഒളമറ്റം ആനിക്കാട്ട് വീട്ടില്‍ കൊതുക് രതീഷ് എന്ന രതീഷ്(34) എന്നിവരാണ് പിടിയിലായത്. ഇന്നലെ പുലര്‍ച്ചെ തൊടുപുഴ വെങ്ങല്ലൂര്‍ ഭാഗത്ത് പട്രാംളിങിനിടയില്‍ സംശായസ്പദ സാഹചര്യത്തില്‍ കണ്ടെത്തിയ ഇവരെ പൊലിസ് പിടികൂടുകയായിരുന്നു.
ഇവരില്‍ നിന്നും 14000 രൂപയുടെ മൊബൈല്‍ ഫോണും പിടിച്ചെടുത്തു. ഫോണ്‍ കഴിഞ്ഞയാഴ്ച് വാഴക്കുളത്തുനിന്നും സാറാ  സണ്‍സ് ടയേഴ്‌സ് എന്ന കടയില്‍ നിന്നും മോഷ്ടിച്ചതാണെന്ന് പ്രതികള്‍ സമ്മതിച്ചു. ഇരുവര്‍ക്കുമെതിരെ വിവിധ സ്റ്റേഷനുകളിലായി 20 മോഷണകേസുകള്‍ നിലവിലുണ്ട്. ഇവര്‍ സഞ്ചരിച്ചിരുന്ന ഓട്ടോറിക്ഷയും പൊലിസ് പിടികൂടി. തൊടുപുഴ സി.ഐ എന്‍.ജി ശ്രീമോന്‍, എസ്.ഐ വി ജയകുമാര്‍, തൊടുപുഴ ഡിവൈ.എസ് .പി ജി വേണുവിന്റെ ഷാഡോ പൊലിസുകാരായ ടി.ആര്‍ രാജന്‍, എ.എസ്.ഐ അശോകന്‍, അരുണ്‍, ഉണ്ണികൃഷ്ണന്‍ എന്നിവരാണ് പ്രതികളെ പിടികൂടിയത്. കേസ് വാഴക്കുളം പൊലിസിനു കൈമാറും.