മലപ്പുറം: കാട്ടിലങ്ങാടി പി.എം.എസ്.എ പൂക്കോയ തങ്ങള്‍ ഇസ്‌ലാമിക് ആന്‍ഡ് ആര്‍ട്‌സ് കോളജ് വാഫി സനദ്ദാന സമ്മേളനം ഇന്നു വൈകിട്ട് 5.30ന് നടക്കും. സ്ഥാപനത്തില്‍നിന്ന് വാഫി പഠനം പൂര്‍ത്തിയാക്കിയ 122 യുവ പണ്ഡിതന്‍മാര്‍ക്ക് സമസ്ത ഉപാധ്യക്ഷനും സി.ഐ.സി റെക്ടറുമായ പാണക്കാട് സയ്യിദ് ഹൈദരലി ശിഹാബ് തങ്ങള്‍ സനദ് നല്‍കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.

സമസ്ത ജന.സെക്രട്ടറി കെ. ആലിക്കുട്ടി മുസ്‌ലിയാര്‍, സയ്യിദ് മുനവ്വറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ എന്നിവര്‍ നസ്വീഹത്ത് നല്‍കും. സി.ഐ.സി കോ ഓഡിനേറ്റര്‍ അബ്ദുല്‍ ഹകീം ഫൈസി ആദൃശേരി വാഫി സനദ്ദാന ആമുഖ ഭാഷണം നടത്തും. മന്ത്രി കടന്നപ്പള്ളി രാമചന്ദ്രന്‍ മുഖ്യാതിഥിയാകും. എം.പി അബ്ദുസ്സമദ് സമദാനി പ്രഭാഷണവും നിര്‍വഹിക്കും. സമസ്ത മുശാവറ അംഗങ്ങളായ എ. മരക്കാര്‍ മുസ്‌ലിയാര്‍, ആദൃശേരി ഹംസക്കുട്ടി മുസ്‌ലിയാര്‍, എം.പി മുസ്തഫല്‍ ഫൈസി, ഒ.ടി മൂസ മുസ്‌ലിയാര്‍, എം.പിമാരായ പി.കെ കുഞ്ഞാലിക്കുട്ടി, ഇ.ടി മുഹമ്മദ് ബഷീര്‍,പി.വി അബ്ദുല്‍ വഹാബ് എന്നിവരും മത, സാമൂഹ്യ, സാംസ്‌കാരിക രംഗത്തെ വ്യക്തിത്വങ്ങളും സംസാരിക്കും. സമ്മേളനത്തോടനുബന്ധിച്ചു തീര്‍ഥം,തിരുമുറ്റം,സ്മൃതി സെഷനുകള്‍ ഇന്നലെ നടന്നു. ഇന്നു പകല്‍ വിവിധ സെഷനുകളും വൈകിട്ട് ശിഹാബ് തങ്ങള്‍ വനിതാകോളജ് കെട്ടിടോദ്ഘാടനവും നടക്കും.