പാലക്കാട്: കാഴ്ചയില്‍ തനി ഭിക്ഷക്കാരന്‍, മുഷിഞ്ഞ വസ്ത്രവും പ്രാകൃതരൂപവും, നഗരത്തിരക്കോ ജനക്കൂട്ടമോ ഇയാള്‍ക്ക് പ്രശ്‌നമല്ല. ഒഴിഞ്ഞുകിടക്കുന്ന ചുമരുകള്‍ ശ്രദ്ധയില്‍പെട്ടാല്‍ തന്റെ മാത്രം ചേരുവയില്‍ തയ്യാറാക്കിയെടുക്കുന്ന ചെടികളുടെ കറ കൊണ്ടുണ്ടാക്കുന്ന മഷിക്കൂട്ടില്‍ മിനുട്ടുകള്‍ക്കുള്ളില്‍ ജന്മമെടുക്കുന്നത് നയനമനോഹര ചിത്രങ്ങള്‍. നാട് തിരുവനന്തപുരത്താണെങ്കിലും കേരളമാകെ തന്റെ വീടാണെന്നാണ് സദാനന്ദന്റെ പക്ഷം.
വീടിനെക്കുറിച്ചും ബന്ധുമിത്രങ്ങളെക്കുറിച്ചും ചോദിച്ചാല്‍ സദാനന്ദന്‍ മൗനിയാകും. ചിത്രങ്ങളില്‍ ആകൃഷ്ടനായി കാഴ്ചക്കാരാരെങ്കിലും വല്ലതും കൊടുത്താല്‍ അതുമാത്രമാണ് സദാനന്ദന്റെ ഭക്ഷണത്തിനുള്ള വക. അല്ലെങ്കില്‍ പട്ടിണിയാണ് പതിവ്. പുരാതന ഗ്രാമീണ കാഴ്ചകളാണ് സദാനന്ദന്റെ വരകളിലൂടെ ജന്മമെടുക്കുന്നത്.