കൊല്‍ക്കത്ത: കൊല്‍ക്കത്തയിലെ ആലിയാ സര്‍വകലാശാലാ അധികൃതരുമായി ദാറുല്‍ഹുദാ പ്രതിനിധികള്‍ കൂടിക്കാഴ്ച നടത്തി.
വൈസ് ചാന്‍സലര്‍ പ്രൊഫ. ഡോ. മുഹമ്മദലി, രജിസ്ട്രാര്‍ ഡോ. അബ്ദുസലാം എന്നിവരുമായി ദാറുല്‍ ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വിയും സംഘവും കൂടിക്കാഴ്ച നടത്തി. ഒരാഴ്ചത്തെ ഉത്തരേന്ത്യന്‍ പര്യടനത്തിന്റെ ഭാഗമായി കൊല്‍ക്കത്തയിലെത്തിയതായിരുന്നു ദാറുല്‍ഹുദാ സംഘം. ദാറുല്‍ഹുദാ ബംഗാള്‍ കാംപസ് വിദ്യാര്‍ഥികളുടെ ഭൗതിക വിഷയങ്ങളിലെ ഡിഗ്രി, പി.ജി ബിരുദ പഠനം, അക്കാദമിക പരിപാടികള്‍, ഗവേഷണം തുടങ്ങിയ വിഷയങ്ങളിലെ സഹകരണം സംബന്ധിച്ച ചര്‍ച്ചകള്‍ നടന്നു. ഡോ. മുന്‍കിര്‍ ഹുസൈന്‍, അബ്ദുല്‍ മതീന്‍ സാഹിബ്, അബ്ദുല്ല ഹാജി ഓമച്ചപ്പുഴ, മന്‍സൂര്‍ ഹുദവി പറപ്പൂര്‍, സിദ്ദീഖുല്‍ അക്ബര്‍ ഹുദവി, മുനീര്‍ ഹുദവി വിളയില്‍, ഗഫൂര്‍ ഹുദവി സംബന്ധിച്ചു.