കൊല്ലം: ആം ആദ്മി പാര്‍ട്ടി ജില്ലാ കമ്മിറ്റിയുടെ നേതൃത്വത്തില്‍ പാര്‍ട്ടി ആശയങ്ങളും പരിപാടികളും ജനങ്ങളിലേക്കും പാര്‍ട്ടി അണികളിലേക്കും എത്തിക്കുകയെന്ന ലക്ഷ്യത്തോടെ ഗ്രാമസഭ എന്ന പേരില്‍ വാര്‍ത്താ പത്രിക പ്രസിദ്ധീകരിച്ചു. കൊല്ലം പ്രസ് ക്ലബ് ഹാളില്‍ നടന്ന ചടങ്ങില്‍ പ്രസ് ക്ലബ് പ്രസിഡന്റ് സി. വിമല്‍കുമാര്‍ പ്രകാശനം നിര്‍വഹിച്ചു. കേരള വ്യാപാരി വ്യവസായി ഏകോപനസമിതി ജില്ലാ പ്രസിഡന്റ് വൈ. ശാമുവേല്‍കുട്ടി, ജോര്‍ജ് തോമസ് തുടങ്ങിയവര്‍ പങ്കെടുത്തു.