ഇരിക്കൂര്‍: കഴിഞ്ഞ ദിവസം ഇരിക്കൂര്‍, കൂടാളി, പടിയൂര്‍, മലപ്പട്ടം മേഖലകളില്‍ ഉണ്ടായ മഴയിലും കാറ്റിലും കനത്ത നാശനഷ്ടം. പട്ടീല്‍ റോഡ് ജങ്ഷനിലെ മലബാര്‍ വില്ലയില്‍ കെ.ടി സിയാദിന്റെ വീടിന്റെ പിന്‍ഭാഗത്തുള്ള ചെങ്കല്‍ മതില്‍ക്കെട്ട് കനത്ത മഴയില്‍ നിലം പൊത്തി. മതില്‍ തകര്‍ന്നതോടെ സമീപത്തെ താഴെപുര ഹൗസിന്റെ നിലനില്‍പ്് അപകടത്തിലായിരിക്കുകയാണ്. ആയിപ്പുഴ മരമില്ലിനു സമീപത്തെ ഫാത്തിമാസിലെ പി.കെ അബ്ദുല്ല മൗലവിയുടെ വീട്ടുമുറ്റത്തേക്ക് തെങ്ങ് കടപുഴകി വീണതിനെത്തുടര്‍ന്ന് ചുറ്റുമതില്‍ തകര്‍ന്നു. കോളോട് പി. കദീജയുടെ വീടിനു മുകളില്‍ തെങ്ങ് പൊട്ടിവീണ് നാശനഷ്ടമുണ്ടായി. വൈദ്യുതിബന്ധം താറുമാറായതിനാല്‍ ഒന്നര ദിവസത്തിലധികം വൈദ്യുതി നിലച്ചു.