ബംഗളൂരു: ബംഗളൂരു എഫ്.സിയുടെ സൂപ്പര്‍ താരം മിക്കു ക്ലബ് വിട്ടു. ക്ലബ്ബിന്റെ മുന്നേറ്റത്തിലെ കുന്തമുനയായ മിക്കു ക്ലബ് വിടുന്ന വിവരം ഔദ്യോഗികമായി ക്ലബ് കഴിഞ്ഞ ദിവസമാണ് അറിയിച്ചത്. 33കാരനായ മിക്കു ക്ലബ് വിടുന്നത് ബംഗളൂരുവിന് കനത്ത തിരിച്ചടിയാകും. ആല്‍ബര്‍ട്ട് റോക്ക, കാള്‍സ് കുഡ്രാറ്റ് എന്നിവരുടെ പരിശീലനത്തിന് കീഴില്‍ ബംഗളൂരുവിന്റെ ചരിത്ര കുതിപ്പിന് നിര്‍ണായക പങ്കായിരുന്നു മിക്കു വഹിച്ചത്. ബംഗളൂരുവിനുവേ@ണ്ടി 35 മത്സരത്തില്‍ നിന്ന് 24 ഗോളാണ് മിക്കു സ്വന്തമാക്കിയത്. 2004ല്‍ വലന്‍സിയയിലൂടെ കരിയര്‍ ആരംഭിച്ച മിക്കു 2010 മുതല്‍ 2013വരെ ഗറ്റാഫെയ്ക്കുവേ@ണ്ടിയും കളിച്ചു. റായോ വല്ലിക്കാനോയില്‍ നിന്ന് 2017ലാണ് മിക്കു ബംഗളൂരുവിലെത്തിയത്. വെനസ്വല ദേശീയ ടീമിനുവേ@ണ്ടി 51 മത്സരത്തില്‍ നിന്ന് 11 ഗോളും മിക്കു സ്വന്തമാക്കിയിട്ടുണ്ട്. എവിടേക്കാണ് മിക്കു പോകുന്നതെന്ന കാര്യം വ്യക്തമാക്കിയിട്ടില്ല.