കൂത്തുപറമ്പ്: കൊട്ടിയൂര്‍ വൈശാഖ മഹോത്സവത്തോടനുബന്ധിച്ചുള്ള ശങ്കരനെല്ലൂര്‍ ചന്ത്രോത്ത് വലിയ വീട്ടില്‍ നെയ്യമൃത് സംഘത്തിന്റെ വ്രതാനുഷ്ഠാനങ്ങള്‍ തുടങ്ങി. വേറെവയ്പ്പ് ചടങ്ങിന്റെ ഭാഗമായുള്ള തക്കുറി കഞ്ഞി കഴിക്കല്‍ ശങ്കരനെല്ലൂര്‍ കുഞ്ഞിപ്പറമ്പ് തറവാട്ട് വീട്ടില്‍ നടന്നു. മഠം കാരണവര്‍ വി. കുഞ്ഞിരാമന്‍ നായരുടെ നേതൃത്വത്തിലുള്ള 23 അംഗ സംഘമാണ് മീത്തില്‍ വ്രതം അനുഷ്ഠിക്കുന്നത്. അടുത്തമാസം നാലിന് മീത്തില്‍ നിന്നു നെയ്യമൃതുമായി സംഘം കൊട്ടിയൂരിലേക്ക് പുറപ്പെടും. ആറിനാണ് കൊട്ടിയൂര്‍ ക്ഷേത്രത്തില്‍ നെയ്യാട്ടം.