പോത്തന്‍കോട്: തോന്നയ്ക്കലില്‍ പെട്രോള്‍ പമ്പില്‍ ആക്രമണം നടത്തി പണം കവര്‍ന്ന കേസിലും വധശ്രമക്കേസിലും ഉള്‍പ്പെട്ട പ്രതിയെ മംഗലപുരം പൊലിസ്  അറസ്റ്റു ചെയ്തു. പള്ളിപ്പുറം, കരിച്ചാറ, പറക്കരി ക്ഷേത്രത്തിനു സമീപം മനോജ് ഭവനില്‍ മനു ( 27 ) വാണ്  പിടിയിലായത്്. . എസ്എപി ക്യാംപിലെ പൊലീസുകാരനായ വെയ് ലൂര്‍ മുണ്ടയ്ക്കല്‍സ്വദേശി അഖിലിനെയാണ് ഇയാള്‍ വധിക്കാന്‍ ശ്രമിച്ചത്. 2015 ഡിസംബറിലായിരുന്നു പമ്പ് ആക്രമിച്ചത്.  പോത്തന്‍കോട് സിഐ എസ്. ഷാജി, മംഗലപുരം എസ്‌ഐ പ്രസാദ്, എസ്‌ഐമാരായ മോഹനനന്‍, ജനാര്‍ദ്ദനന്‍, എസ്.സി.പി.ഒമാരായ ശ്രീജിത്ത്, മനോജ്, സുധി, മുരളി, ഫ്രാങ്ക്‌ളിന്‍, ഷാ എന്നിവരടങ്ങിയ സംഘമാണ് പ്രതിയെ പിടികൂടിയത്.ആറ്റിങ്ങല്‍ കോടതിയില്‍ ഹാജരാക്കിയ പ്രതിയെ റിമാന്റുചെയ്തു.