പയ്യന്നൂര്‍: നാഷണല്‍ കോളജ് വിദ്യാര്‍ഥികളായ എം.എസ്.എഫ് പ്രവര്‍ത്തകര്‍ക്കു ക്രൂരമര്‍ദനം. രണ്ടാം വര്‍ഷ ഡിഗ്രി വിദ്യാര്‍ഥി പി.എസ് സഫ്‌വാന്‍ (19), ഒന്നാം വര്‍ഷ ഡിഗ്രി വിദ്യാര്‍ഥികളായ മുഹമ്മദ് സനീജ് (18), ഫാസില്‍ (18) എന്നിവര്‍ക്കാണു മര്‍ദനമേറ്റത്.
പരുക്കേറ്റ ഇവരെ പയ്യന്നൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് നാലോടെയായിരുന്നു സംഭവം. കോളജില്‍ എസ്.എഫ്.ഐ അംഗത്വം സ്വീകരിക്കാന്‍ വിസമ്മതിച്ചതിന്റെ വൈരാഗ്യത്തിലാണ് എസ്.എഫ്.ഐ പ്രവര്‍ത്തകര്‍ പുറമെനിന്നു സംഘടിച്ചെത്തി എം.എസ്.എഫ് പ്രവര്‍ത്തകരെ ക്രൂരമായി മര്‍ദിച്ചതെന്നാണു പരാതി. പൊലിസ് സ്ഥലത്തെത്തിയാണ് അക്രമിസംഘത്തില്‍ നിന്നു വിദ്യാര്‍ഥികളെ രക്ഷിച്ചത്.