വളാഞ്ചേരി: കോ ഓര്‍ഡിനേഷന്‍ ഓഫ് ഇസ്‌ലാമിക് കോളജസിന്റെ വാര്‍ഷിക സെനറ്റ് യോഗം (ജനറല്‍ ബോഡി ) നാളെ 10.30ന് വളാഞ്ചേരി മര്‍കസ് ഓഡിറ്റോറിയത്തില്‍ നടക്കും.
സി.ഐ.സിയുമായി അഫിലിയേറ്റ് ചെയ്ത അക്കാദമിക് സ്ഥാപനങ്ങളുടെ മത, ഭൗതിക വകുപ്പ് മേധാവികളില്‍നിന്ന് അക്കാദമിക് സ്ഥാനക്രമത്തില്‍ തെരഞ്ഞെടുക്കപ്പെടുന്ന മൂന്ന് പേര്‍ വീതവും ഭരണ സമിതി ഔദ്യോഗിക ഭാരവാഹികളില്‍നിന്ന് തെരഞ്ഞെടുക്കപ്പെടുന്ന മൂന്ന് പേര്‍ വീതവും അടങ്ങുന്നതാണ് സി.ഐ.സി സെനറ്റ്.
സി.ഐ.സി റെക്ടര്‍ പാണക്കാട് സയ്യിദ് ഹൈദരലി ശിഹാബ് തങ്ങളുടെ അധ്യക്ഷതയില്‍ ചേരുന്ന യോഗത്തില്‍ കോ ഓര്‍ഡിനേറ്റര്‍ അബ്ദുല്‍ ഹക്കീം ഫൈസി, ട്രഷറര്‍ അലി ഫൈസി പാറല്‍, അസി. റെക്ടര്‍മാര്‍, അസി.കോ ഓര്‍ഡിനേറ്റര്‍മാര്‍, മറ്റു ഭരണകര്‍ത്താക്കള്‍, വിവിധ വകുപ്പ് മേധാവികള്‍ സംബന്ധിക്കും.