വെഞ്ഞാറമൂട്: വ്യത്യസ്ത സ്ഥലങ്ങളില്‍ നടന്ന ബൈക്ക
പടങ്ങളില്‍ ആറുപേര്‍ക്കു പരുക്കേറ്റു.
കഴിഞ്ഞ ദിവസം വൈകിട്ട്് അഞ്ചിന് വെഞ്ഞാറമൂട് ജങ്ഷനില്‍ വെച്ച് റോഡിന് കുറുകെ ചാടിയ നായയെ ഇടിക്കുന്നത് ഒഴിവാക്കാന്‍ വെട്ടിക്കുന്നതിനിടെ സ്‌കൂട്ടറില്‍ നിന്നു വീണ് വെഞ്ഞാറമൂട് നക്ഷത്രയില്‍ അശ്വതി (42), അഭിജിത് (ആറ്), ഇന്നലെ രാവിലെ ഏഴിന് നരിക്കല്ല് മുക്കില്‍ ബൈക്കില്‍ നിന്നു വീണ് പൂവത്തൂര്‍ ചിറമുക്ക് പഴവിള വീട്ടില്‍ സലാഹുദ്ദീന്‍ (28), ഉച്ചക്ക് ഒന്നിന് ഇരുളൂര്‍വെച്ച് ബൈക്കില്‍ നിന്നു വീണ് വെള്ളുമടി പൂവത്തൂര്‍ ഷിജി വിലാസത്തില്‍ അരുണ്‍ (27),രണ്ടിന് കിളിമാനൂരില്‍ വെച്ച് ബൈക്കില്‍ നിന്നു വീണ് കൊട്ടാരക്കര ഓടാനവട്ടം വിനായക് ഭവനില്‍ വിനായക് (21),കൊട്ടാരക്കര അമല്‍ നിവാസില്‍ അമല്‍ (20) എന്നിവര്‍ക്കാണ് പരുക്കേറ്റത്. ഇവരെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കാറും ബൈക്കും കൂട്ടിയിടിച്ച്
വീട്ടമ്മക്കു പരുക്ക്
വെഞ്ഞാറമൂട്: കാറും ബൈക്കും കൂട്ടിയിടിച്ച് വീട്ടമ്മക്കു പരുക്ക്.ഭര്‍ത്താവിനൊപ്പം ബൈക്കില്‍ സഞ്ചരിക്കുകയായിരുന്ന പാങ്ങോട് കല്ലുവാഴക്കുന്ന് സി.പി.ഭവനില്‍ സിന്ധു(46)വിനാണ് പരുക്കേറ്റത്.
ഇന്നലെ ഉച്ചക്ക് 12ന് എം.സി.റോഡില്‍ കാരേറ്റ് വെച്ചായിരുന്നു അപകടം. ഇവരെ വെഞ്ഞാറമൂട് സ്വകാര്യമെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.