ലണ്ടന്‍: മാഞ്ചസ്റ്റര്‍ ആക്രമണത്തില്‍ അനുശോചനമറിയിച്ച് ഫുട്‌ബോള്‍ ലോകം. മാഞ്ചസ്റ്റര്‍ ക്ലബുകളായ യുനൈറ്റഡും സിറ്റിയും സംയുക്തമായി സ്‌ഫോടനത്തില്‍ മരിച്ചവര്‍ക്ക് ആദരാഞ്ജലി അര്‍പ്പിച്ചു. മുന്‍ ഇംഗ്ലീഷ് താരം ഡേവിഡ് ബെക്കാം ഇന്‍സ്റ്റഗ്രാമിലൂടെയാണ് അനുശോചനമറിയിച്ചത്. മരിച്ചവരുടെ ദുഃഖത്തില്‍ പങ്കുചേരുന്നുവെന്ന് ബെക്കാം ഇന്‍സ്റ്റഗ്രാമില്‍ കുറിച്ചു. ഇംഗ്ലണ്ടിന്റെ ഇതിഹാസ താരമായ ഗാരി ലിനേക്കര്‍ ആക്രമണത്തെ രൂക്ഷമായി വിമര്‍ശിച്ചു. ഏറ്റവും മോശപ്പെട്ട സംഭവമെന്നാണ് ലിനേക്കര്‍ ആക്രമണത്തെ വിശേഷിപ്പിച്ചത്. അതേസമയം ആക്രമണത്തില്‍ പരുക്കേറ്റവര്‍ക്കായി സിറ്റിയുടെ എത്തിഹാദ് സ്റ്റേഡിയത്തില്‍ ഹെല്‍പ്പ് സെന്റര്‍ ആരംഭിച്ചിട്ടുണ്ട്. യുനൈറ്റഡിന്റെ ജെസ്സെ ലിന്‍ഡ്ഗാര്‍ഡ്, യുവേഫ, ആംസ്റ്റര്‍ഡാം ക്ലബ് അയാക്‌സ്, എന്നിവരും ആക്രമണത്തെ അപലപിച്ചു.