ന്യൂഡല്‍ഹി: മെഡിക്കല്‍ ഫീസ് വര്‍ധിപ്പിക്കണമെന്നാവശ്യപ്പെട്ട് സുപ്രിംകോടതിയെ സമീപിച്ച സ്വാശ്രയ മാനേജ്‌മെന്റുകള്‍ക്ക് ഹൈക്കോടതിയെ സമീപിക്കാന്‍ നിര്‍ദേശം. ഇതുസംബന്ധിച്ച് സുപ്രിം കോടതിയില്‍ നല്‍കിയ ഹരജി പിന്‍വലിക്കാന്‍ മാനേജ്മെന്റുകള്‍ക്ക് അനുമതി നല്‍കുകയും ചെയ്തു.

വിഷയം ആദ്യം ഹൈക്കോടതി ആണ് പരിഗണിക്കേണ്ടത് എന്ന് നിരീക്ഷിച്ചാണ് സുപ്രിംകോടതിയുടെ നിര്‍ദേശം.

നിലവിലെ ഫീസായ ആറു ലക്ഷത്തില്‍ 20 ലക്ഷമാക്കി ഉയര്‍ത്തണമെന്ന സ്വകാര്യ മാനേജ്‌മെന്റുകളുടെ ആവശ്യം. കേരളത്തില്‍ കല്‍പിത സര്‍വ്വകലാശാലയ്ക്ക് കീഴിലുള്ള മെഡിക്കല്‍ കോളജില്‍ വാര്‍ഷിക ഫീസ് 18 ലക്ഷം ആണെന്ന് മാനേജ്മെന്റുകള്‍ ഹരജിയില്‍ പറഞ്ഞു. എന്നാല്‍ 5 മുതല്‍ 6 ലക്ഷം വരെ മാത്രമേ തങ്ങള്‍ക്ക് വാര്‍ഷിക ഫീസ് നിശ്ചയിച്ചിട്ടുള്ളൂവെന്നും ഇത് വര്‍ധിപ്പിക്കണമെന്നുമാണ് മാനേജ്‌മെന്റുകളുടെ ആവശ്യം.

കഴിഞ്ഞ വര്‍ഷം കോടതി അനുവദിച്ച താത്കാലിക ഫീസ് പിരിക്കാന്‍ അനുവദിക്കണം എന്നും ഹരജിയില്‍ ആവശ്യപ്പെട്ടു.