മാനന്തവാടി: തിരുനെല്ലി ബ്രഹ്മഗിരി എസ്റ്റേറ്റിലെ കൃഷ്ണഗിരിഭാഗത്ത് വന്‍തോതില്‍ മരം മുറി.
കഴിഞ്ഞ കുറച്ച് ദിവസങ്ങളായി യാതൊരു അനുമതിയുമില്ലാതെ നടന്നുവരുന്ന മരം മുറി പുറത്തായതോടെ വനം വകുപ്പും റവന്യൂ വകുപ്പും ഇടപെട്ട് നിര്‍ത്തി വെപ്പിച്ചു. സര്‍വേ നമ്പര്‍ 88ല്‍ പെട്ട ഭാഗത്താണ് സില്‍വര്‍, കുന്നി തുടങ്ങിയ ഇരുപതോളം കുറ്റി മരങ്ങള്‍ മുറിച്ചിട്ടത്. തിരുനെല്ലി വില്ലേജ് ഓഫിസര്‍ കെ.എം സാലു തുടര്‍ന്ന് മരം മുറിക്കുന്നത് തടഞ്ഞു കൊണ്ട് നോട്ടീസ് നല്‍കി. ബേഗൂര്‍ റെയ്ഞ്ച് ഓഫിസര്‍ അബ്ദുസമദ് സംഭവവുമായി ബന്ധപ്പെട്ട് എസ്റ്റേറ്റ് ഉടമ നസീര്‍ ഖാന്‍ എസ്റ്റേറ്റ് മാനേജര്‍ മുസ്തഫ എന്നിവര്‍ക്കെതിരേ കേസെടുത്തു. മുറിച്ചിട്ട മരങ്ങള്‍ വനം വകുപ്പ് കസ്റ്റഡിയിലെടുത്തിട്ടുണ്ട്.