തിരുവനന്തപുരം: ശബരിമല വിഷയത്തില്‍ കോടതിവിധിയില്‍ പ്രതിഷേധിച്ച് തിങ്കളാഴ്ച നടത്താനിരുന്ന ഹര്‍ത്താല്‍ പിന്‍വലിച്ചതായി ശിവസേന അറിയിച്ചു. 

ശിവസേന കേരള രാജ്യപ്രമുഖ് എം.എസ് ഭുവനചന്ദ്രന്‍ വാര്‍ത്താസമ്മേളനത്തിലാണ് ഹര്‍ത്താല്‍ പ്രഖ്യാപിച്ചിരുന്നത്. മറ്റു മതസംഘടനകളുമായി ചേര്‍ന്ന് വിധിക്കെതിരേ സുപ്രിം കോടതിയില്‍ അപ്പീല്‍ നല്‍കുമെന്നും ഭുവനചന്ദ്രന്‍ പറഞ്ഞിരുന്നു.

എന്നാല്‍ സംസ്ഥാനത്ത് പ്രളയവും കൊടുങ്കാറ്റും ആവര്‍ത്തിക്കാന്‍ സാധ്യത ഉള്ളതിനാല്‍ ചില ജില്ലകളില്‍ യെല്ലോ അലര്‍ട്ട് പ്രഖ്യാപിച്ച സാഹചര്യത്തിലാണ് ഹര്‍ത്താല്‍ പിന്‍വലിക്കുന്നതെന്ന് സംഘടന പത്രക്കുറിപ്പില്‍ അറിയിച്ചു. പകരം പ്രതിഷേധ പരിപാടികള്‍ നടത്തും.