ഷാര്‍ജ: കുട്ടി ക്രിക്കറ്റെന്നു വിശേഷിപ്പിക്കുന്ന ടി10 ടൂര്‍ണമെന്റ് നവംബറില്‍ ദുബൈയില്‍ നടക്കും. ടി10 ടൂര്‍ണമെന്റിന്റെ രണ്ടണ്ടാമത്തെ സീസണാണ് ഷാര്‍ജയില്‍ നടക്കാനിരിക്കുന്നത്. 90 മിനുട്ട് മാത്രം നീണ്ടു നില്‍ക്കുന്ന മത്സരമായിരിക്കും. ടൂര്‍ണമെന്റില്‍ എട്ടു ടീമുകളാണ് പങ്കെടുക്കുന്നത്. കേരള ടീമായ കേരള കിങ്‌സും ടൂര്‍ണമെന്റിനെത്തുന്നുണ്ട്.
നിലവിലെ ടി10 ചാംപ്യന്‍മാര്‍ കൂടിയാണ് കേരള കിങ്‌സ്. പഞ്ചാബ് ലെജന്‍ഡ്‌സ്, മറാത്ത അറേബ്യന്‍സ്, ബംഗാള്‍ ടൈഗേഴ്‌സ്, ദി കറാച്ചിയന്‍സ്, രാജ്പൂത്ത്‌സ്, നോര്‍ത്തേണ്‍ വാരിയേഴ്‌സ്, പാഖ്ത്തൂണ്‍സ് എന്നിവയാണ് മറ്റു ടീമുകള്‍. വിന്‍ഡീസ് ഇതിഹാസം ക്രിസ് ഗെയ്ല്‍ പുതിയ സീസണില്‍ കേരള കിങ്‌സിനൊപ്പമാണ്. ഐ.പി.എല്ലില്‍ മുന്‍ ആര്‍.സി.ബി പരിശീലകനായിരുന്ന ഡാനിയല്‍ വെറ്റോറിയാണ് കേരള ടീമിനെ പരിശീലിപ്പിക്കുന്നത്.