എളേറ്റില്‍: മികച്ച നടിക്കുള്ള ദേശീയ ചലച്ചിത്ര അവാര്‍ഡ് നേടിയ സുരഭി ലക്ഷ്മിക്ക് ജന്മ നാടായ എളേറ്റില്‍ വട്ടോളിയില്‍ ഉജ്ജ്വല സ്വീകരണം. അഭിനയ കല അഭ്യസിച്ച സ്വന്തം  നാട്ടില്‍ എളേറ്റില്‍ പബ്ലിക് ലൈബ്രറി ഒരുക്കിയ സ്വീകരണ പരിപാടിയാണ് ജന പങ്കാളിത്തത്താല്‍ ശ്രദ്ധേയമായത്.
ഘോഷയാത്രക്ക് ഗ്രാമപഞ്ചായത്ത് പ്രസിഡന്റ് എന്‍.സി ഹുസ്സയിന്‍ മാസ്റ്റര്‍,ജില്ലാ പഞ്ചായത്ത് മെമ്പര്‍ എം.എ ഗഫൂര്‍,സില്‍ഫിക്കര്‍,എം.പി ഗഫൂര്‍,സി.ടി ഭരതന്‍ മാസ്റ്റര്‍,എന്‍.കെ സുരേഷ്, സക്കരിയ, റജ്‌ന കുറുക്കാംപൊയില്‍, പി.സുധാകരന്‍, കെ.പി ബാബു തുടങ്ങിയവര്‍ നേതൃത്വം നല്‍കി.
നിലമ്പൂര്‍ ആയിഷ സുരഭിക്ക്  ഉപഹാര സമര്‍പ്പണം നടത്തി. കോഴിക്കോട് ശാരദ പൊന്നാട അണിയിച്ചു. സലാം വട്ടോളി മുഖ്യ പ്രഭാഷണം നടത്തി.
മുഖ്യാതിഥികള്‍ക്കുള്ള ഉപഹാര സമര്‍പ്പണം സി.ടി വനജ, എം.എ ഗഫൂര്‍ നല്‍കി. താലൂക്ക് യൂനിയന്‍ ലൈബ്രറി കൗണ്‍സില്‍ സെക്രട്ടറി കെ.കെ പ്രദീപ് കീര്‍ത്തിപത്ര സമര്‍പ്പണം നടത്തി. എന്‍.സി ഉസൈന്‍ മാസ്റ്റര്‍ അധ്യക്ഷനായി. ആഷിഖ് റഹ്മാന്‍, എം.എസ് മുഹമ്മദ്, എം.എ റസാഖ് മാസ്റ്റര്‍, പി.കെ അനില്‍കുമാര്‍, ഫൈസല്‍ എളേറ്റില്‍, എ.കെ റഫീഖ്, നാസര്‍ പോപ്പുലര്‍, മജീദ് മൂത്തേടത്ത്, ഇബ്രാഹിം എളേറ്റില്‍, കെ.ടി വിനോദ്, ബി.സി ഖാദര്‍ തുടങ്ങിയവര്‍ സംബന്ധിച്ചു. സുരഭി ലക്ഷ്മി മറുപടി പ്രസംഗം നടത്തി.