കൊച്ചി : ചേര്‍ത്തല മരുത്തോര്‍വട്ടം ശ്രീധന്വന്തരി ക്ഷേത്രത്തിലെ കര്‍ക്കിടകവാവ് ആഗസ്റ്റ് രണ്ടിന് ആചരിക്കുമെന്ന് സെക്രട്ടറി എം.കെ. ഉണ്ണികൃഷ്ണ കൈമള്‍ വാര്‍ത്താസമ്മേളനത്തില്‍ അറിയിച്ചു. പിതൃപ്രീതിക്കുള്ള നമസ്‌കാര വഴിപാടിനും രോഗവിമുക്തിക്കുള്ള താള്‍ക്കറി, മുക്കുടി, അട്ടയും കുഴമ്പും, കര്‍ക്കിടക മരുന്ന് കഞ്ഞി എന്നീ വഴിപാടുകള്‍ ക്ഷേത്രത്തിലുണ്ടായിരിക്കും.അഞ്ഞൂറുപറ ഉണക്കലരിയുടെ നമസ്‌കാര ചോറും രണ്ടായിരം ലിറ്റര്‍ താള്‍കറിയുമാണ് ഇക്കുറി തയ്യാറാക്കുന്നത്. വഴിപാടുകള്‍ മുന്‍കൂട്ടി ചീട്ടാക്കാവുന്നതാണ്. വാവുദിനത്തിലെ യാത്രാസൗകര്യം പരിഗണിച്ച് പ്രൈവറ്റ് ബസുകള്‍ക്കു പുറമെ ചേര്‍ത്തല കെഎസ്ആര്‍ടിസി ഡിപ്പോയില്‍ നിന്ന് പ്രത്യേക സര്‍വ്വീസുകള്‍ ഉണ്ടായിരിക്കും. ജി. അനില്‍കുമാറും വാര്‍ത്താസമ്മേളനത്തില്‍ പങ്കെടുത്തു.