ട്രിപ്പോളി: അഭയാര്‍ഥികള്‍ സഞ്ചരിച്ച ബോട്ടിനു നേരെ ലിബിയന്‍ തീര സംരക്ഷണ സേന വെടിയുതിര്‍ത്തതായി രക്ഷാപ്രവര്‍ത്തകര്‍. ഇതോടെ ബോട്ടിലുണ്ടായിരുന്ന 70 പേര്‍ കടലില്‍ ചാടി.

ഇന്നുച്ചയോടെ മധ്യധരണ്യാഴി കടലിലാണ് സംഭവം. കടലില്‍ അയുകയായിരുന്ന അഭയാര്‍ഥി സംഘത്തെ എന്‍.ജി.ഒ രക്ഷാപ്രവര്‍ത്തകരാണ് ലിബിയന്‍ തീരത്തെത്തിച്ചത്. എന്നാല്‍ അഭയാര്‍ഥികളെ സ്വീകരിക്കാന്‍ ലിബിയ തയ്യാറായില്ല. തീര സംരക്ഷണ സേന ഇവര്‍ക്കു നേരെ വെടിയുതിര്‍ക്കുകയും ചെയ്തു.

ജര്‍മനിയും ഗ്രീസും വരെ അഭയാര്‍ഥികളെ സ്വീകരിക്കാന്‍ തയ്യാറാവുമ്പോഴാണ് ലിബിയയുടെ നടപടിയെന്ന് എന്‍.ജി.ഒകള്‍ വിമര്‍ശിച്ചു.

ബോട്ടില്‍ നിന്നു ചാടിയവരെ പിന്നീട് രക്ഷിച്ചു. ഇവരെ ലിബിയയിലേക്ക് കയറാന്‍ അനുവദിച്ചിട്ടില്ല.

അതേസമയം, ലിബിയയുടെ കൈയ്യില്‍ മരിക്കുന്നതിനേക്കാള്‍ നല്ലതാണ് കടലില്‍ മരിക്കുന്നതെ കരുതിയാണ് ചാടിയതെന്ന് അഭയാര്‍ഥികള്‍ പ്രതികരിച്ചു.