തിരുവനന്തപുരം: സുപ്രിം കോടതി വിധിക്കു പിന്നാലെ സംസ്ഥാനത്ത് നടക്കുന്നത് ശബരിമലയെ തകര്‍ക്കാനുള്ള സി.പി.എം അജണ്ടയെന്ന് ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍പിള്ള. ഉത്തരവിനെതിരേ പുനഃപരിശോധന ഹരജി അടക്കമുള്ള കാര്യങ്ങള്‍ നിലനില്‍ക്കുമ്പോള്‍ സ്ത്രീപ്രവേശനത്തില്‍ തിടുക്കത്തില്‍ തീരുമാനം എടുക്കേണ്ടതില്ലെന്നും ശ്രീധരന്‍പിള്ള മാധ്യമങ്ങളോട് പറഞ്ഞു.

എന്നാല്‍, സുപ്രിം കോടതി വിധിയെ കേന്ദ്രസര്‍ക്കാര്‍ അനുകൂലിച്ചതിനെ കുറിച്ചുള്ള ചോദ്യത്തില്‍ നിന്നും അദ്ദേഹം ഒഴിഞ്ഞു മാറുകയും ചെയ്തു.