കോഴിക്കോട്:മൂന്നാം ഘട്ട തദ്ദേശ തെരഞ്ഞെടുപ്പിന്റെ കലാശക്കൊട്ട് ഇന്ന്. കോഴിക്കോട്,മലപ്പുറം,കണ്ണൂര്‍,കാസര്‍കോട് ജില്ലകളിലെ പരസ്യപ്രചരണമാണ് ഇന്ന് അവസാനിക്കുക. കര്‍ശന നിയന്ത്രണങ്ങളോടെയാകും നാല് ജില്ലകളിലും പ്രചാരണ പരിപാടികളുണ്ടാവുക. നാളെ നിശബ്ദ പ്രചാരണത്തിന് ശേഷം 14ാം തീയതിയാണ് നാല് ജില്ലകള്‍ പോളിങ് ബൂത്തിലെത്തുക.

പരമാവധി വോട്ടര്‍മാരെ നേരില്‍ക്കണ്ട് വോട്ടഭ്യര്‍ത്ഥിക്കുന്നതിനൊപ്പം അവസാനദിനങ്ങളില്‍ വാഹനങ്ങളിലും പ്രചാരണം കൊഴുപ്പിക്കുകയാണ് മുന്നണികള്‍. ഗൃഹസന്ദര്‍ശനങ്ങളും കുടുംബയോഗങ്ങളുമാണ് മുന്നണികളുടെ പ്രധാന പ്രചാരണായുധം. ഓരോ വാര്‍ഡിലും ചെറുസംഘങ്ങളുടെ നേതൃത്വത്തിലുള്ള സ്‌ക്വാഡ് വര്‍ക്കുകളും സജീവമാണ്.

14ാം തീയതി തെരഞ്ഞെടുപ്പ് അവസാനിച്ച് കേരളം ഉറ്റുനോക്കുന്ന ജനവിധിക്കായി ഒരു ദിവസം കൂടി കാത്തിരിക്കേണ്ടിവരും. 16ാം തീയതിയാണ് വോട്ടെണ്ണല്‍