ഇരിട്ടി: വായനാ വര്‍ഷാചരണത്തിന്റെ ഭാഗമായി പായത്ത് നടന്നുവരുന്ന പുസ്തക ചര്‍ച്ച ഒന്‍പത് മാസം പിന്നിട്ടു. പ്രമുഖ എഴുത്തുകാരുടേയും പുതുമുഖ എഴുത്തുകാരുടേയും പുസ്തകങ്ങള്‍ ചര്‍ച്ചയുടെ ഭാഗമായി അവതരിപ്പിക്കപ്പെട്ടു. പായം ഗ്രാമീണ ഗ്രന്ഥാലയത്തിന്റെ നേതൃത്വത്തില്‍ നടക്കുന്ന പുസ്തക ചര്‍ച്ചയില്‍ ഇത്തവണ പ്രജിത നമ്പ്യാരുടെ 'കത്തുകള്‍ കഥ പറഞ്ഞ കാലം' എന്ന ഓര്‍മക്കുറിപ്പുകള്‍ ചര്‍ച്ച ചെയ്തു.
ജില്ലാ പഞ്ചായത്തംഗം വി.കെ സുരേഷ് ബാബു പുസ്തകാവതരണം നടത്തി. എം. പവിത്രന്‍ അധ്യക്ഷനായി. രഞ്ജിത് കമല്‍, ബാബുരാജ് അയ്യല്ലൂര്‍, ജ്യോത്സ്‌ന ജേക്കബ്, പി.എ ലനീഷ്, ബാബു ജേക്കബ്, ഷാജു പാറക്കല്‍, രാജി അരവിന്ദ്, വിസ്മയ മനോജ്, എം.എന്‍ മുരളീധരന്‍ സംസാരിച്ചു.