കല്യാശ്ശേരി: കല്യാശ്ശേരി പഞ്ചായത്തിലെ അഞ്ചാംപീടിക വാര്‍ഡില്‍ നടന്ന ഉപതെരഞ്ഞെടുപ്പില്‍    പോളിങ് ശതമാനം കുറഞ്ഞിട്ടും എല്‍.ഡി.എഫിനു ഭൂരിപക്ഷം കൂടി. എല്‍.ഡി.എഫ് സ്ഥാനാര്‍ഥി ഡി രമ യു.ഡി.എഫിലെ ഒ.വി ലതയെ 505 വോട്ടുകള്‍ക്ക് പരാജയപ്പെടുത്തി. 739 പേര്‍ വോട്ടു ചെയ്ത തെരഞ്ഞെടുപ്പില്‍ ഡി രമയ്ക്ക് 622  വോട്ടും ഒ.വി ലതയ്ക്ക് 117 വോട്ടും ലഭിച്ചു. കല്യാശ്ശേരി പഞ്ചായത്ത് ഓഫിസില്‍ ഡി രമ സത്യപ്രതിജ്ഞ ചെയ്തു. ആകെയുള്ള 1132 വോട്ടര്‍മാരില്‍ 739 പേരാണ് ഇക്കുറി വോട്ടുചെയ്തത്.  കഴിഞ്ഞ തവണ 900 പേര്‍ വോട്ടുചെയ്തു. ജില്ലയില്‍ നടന്ന ഏക ഉപതെരഞ്ഞെടുപ്പാണ് അഞ്ചാം പീടിക വാര്‍ഡില്‍ നടന്നത്. കഴിഞ്ഞതവണ 215 വോട്ടുനേടിയ യു.ഡി.എഫിന് ഇക്കുറി 117ലേക്ക് ഒതുങ്ങേണ്ടിവന്നു. നിലവിലെ പഞ്ചായത്ത് അംഗം എ.ഇ.കെ ലളിത സര്‍ക്കാര്‍ ഉദ്യോഗം ലഭിച്ചതിനെത്തുടര്‍ന്ന് രാജിവച്ച ഒഴിവിലേക്കാണ് തെരഞ്ഞെടുപ്പ് നടന്നത്.