കോഴിക്കോട്: മാധ്യമ പ്രവര്‍ത്തകരുടെ കൃത്യനിര്‍വഹണം തടസപ്പെടുത്തി കോഴിക്കോട് കോടതി പരിസരത്തും ടൗണ്‍ പൊലിസ് സ്റ്റേഷനിലും നടന്ന ദൗര്‍ഭാഗ്യകരമായ സംഭവം അപലപനീയമാണെന്ന് എം.കെ രാഘവന്‍ എം.പി. മാധ്യമപ്രവര്‍ത്തകരെ വിലക്കാന്‍ ആരെങ്കിലും നിര്‍ദേശം നല്‍കിയോ എന്ന് വ്യക്തമാക്കണം. അതിക്രമത്തില്‍ കുറ്റക്കാരായ എല്ലാവരും മാതൃകാപരമായി ശിക്ഷിക്കപ്പെടണമെന്ന് എം.പി ആവശ്യപ്പെട്ടു.
ഡോ. എം.കെ മുനീര്‍
കോഴിക്കോട്: മാധ്യമപ്രവര്‍ത്തകര്‍ക്കു നേരെയുള്ള പൊലിസിന്റെ കൈയേറ്റം അംഗീകരിക്കാനാവില്ലെന്ന് ഡോ. എം.കെ മുനീര്‍ എം.എല്‍.എ പറഞ്ഞു. മാധ്യമപ്രവര്‍ത്തകരെ കൂച്ചുവിലങ്ങിടാനുള്ള പൊലിസിന്റെ ശ്രമം ഒരുനിലക്കും അംഗീകരിക്കാനാവില്ല. പൊലിസിന്റെ അക്രമത്തില്‍ കക്ഷിരാഷ്ട്രീയ ഭേദമന്യേ എല്ലാവരും ഒന്നിക്കണമെന്നും മുനീര്‍ ആവശ്യപ്പെട്ടു.