കാവനൂര്‍: കാവനൂരില്‍  ദുരൂഹസാഹചര്യത്തില്‍ തോക്കു കണ്ടെത്തി. അരീക്കോട് മഞ്ചേരി റോഡിനു സമീപം പണി  നടന്നുകൊണ്ടിരിക്കുന്ന കെട്ടിടത്തിന്റെ മുറ്റത്തു നിന്നാണു തോക്ക് കണ്ടെത്തിയത്. നിര്‍മാണ  തൊഴിലാളികളാണു തോക്ക് ആദ്യം കണ്ടത്. അരീക്കോട് പൊലീസ് തോക്ക് കസ്റ്റഡിയിലെടുത്തു അന്വേഷണം ആരംഭിച്ചിട്ടുണ്ട്. തോക്ക് പൂര്‍ണമായും പ്രവര്‍ത്തനക്ഷമമാണെന്ന് പൊലീസ് അറിയിച്ചു.  തോക്കിന്റെ കാലപഴക്കം വ്യക്തമല്ല. പ്ലാസ്റ്റിക് കവറില്‍ കെട്ടിയ നിലയിലായിരുന്നു കാണപ്പെട്ടത്.  തോക്കിന്റെ പുറംതോട് ലോഹത്തില്‍ നിര്‍മിച്ചതാണ്. നിരവധി അന്യസംസ്ഥാന തൊഴിലാളികള്‍  കെട്ടിടത്തിനു സമീപത്തു താമസിക്കുന്നതിനാല്‍ അന്വേഷണം അവരിലേക്കും വ്യാപിപ്പിക്കാനാണു സാധ്യത.