ഭോപ്പാല്‍: മുഖ്യമന്ത്രി കമല്‍നാഥിനെതിരേ ഭീഷണി ഉയര്‍ത്തി യ മുന്‍ ബി.ജെ.പി എം.എല്‍.എയെ പൊലിസ് അറസ്റ്റ് ചെയ്തു. കമല്‍നാഥിനെ കൊലപ്പെടുത്തുമെന്ന് ഭീഷണിപ്പെടുത്തിയതിനാണ് ബി.ജെ.പി മുന്‍ എം.എല്‍.എ സുരേന്ദ്രനാഥ് സിങിനെ അറസ്റ്റ് ചെയ്തത്. മുഖ്യമന്ത്രിയുടെ രക്തം തെരുവില്‍ വീഴ്ത്തുമെന്നു സുരേന്ദ്രനാഥ് സിങ് പറഞ്ഞിരുന്നു. കഴിഞ്ഞ ദിവസം ഇക്കാര്യം കോണ്‍ഗ്രസ് അംഗങ്ങള്‍ നിയമസഭയില്‍ ഉയര്‍ത്തിയിരുന്നു. ഇതിനുപിന്നാലെയണ് അറസ്റ്റ്.