തിരുവനന്തപുരം: വയലിനില്‍ തന്റെ മാന്ത്രിക വിരലുകള്‍ കൊണ്ട് താളം നിറച്ച ബാലഭാസ്‌കര്‍ ഓര്‍മയായി. തൈക്കാട് ശാന്തി കവാടത്തില്‍ ഔദ്യോഗിക ബഹുമതികളോടെ സംസ്‌കരിച്ചു. സ്വവസതിയായ ഹിരണ്‍മയ യിലെ അന്ത്യകര്‍മങ്ങള്‍ക്ക് ശേഷം ശാന്തികവാടം വരെയായിരുന്നു അന്ത്യയാത്ര. ആയിരങ്ങളടക്കം നിരവധി പ്രമുഖര്‍ പങ്കെടുത്തു.

ചൊവ്വാഴ്ച പുലര്‍ച്ചെയായിരുന്നു ബാലഭാസ്‌കറിന്റെ മരണം. പിന്നീട് സ്വന്തം കലാലയമായ തിരുവനന്തപുരം യൂണിവേഴ്‌സിറ്റി കോളജിലും കലാഭവന്‍ തിയേറ്ററിലും മൃതദേഹം പൊതുദര്‍ശനത്തിനു വച്ചിരുന്നു. സമൂഹത്തിലെ വ്യത്യസ്ത മേഖലകളിലുള്ള പ്രമുഖര്‍ അന്തിമോപചാരം അര്‍പ്പിച്ചിരുന്നു.