കരുനാഗപ്പള്ളി: പത്ത് ലിറ്റര്‍ ചാരായവും വാറ്റ് ഉപകരണവുമായി കരുനാഗപ്പള്ളി എക്‌സൈസ് ഒരാളെ പിടികൂടി. നീണ്ടകര ദളവാപുരം നീലേശ്വരം തോപ്പില്‍ നടത്തിയ പരിശോധനയിലാണ് പത്ത് ലിറ്റര്‍ വാറ്റ് ചാരായവുമായി ഫ്രാങ്ക് ലിന്‍ നിവാസില്‍ സില്‍വപച്ച(70)യെ അറസ്റ്റ് ചെയ്തത്.
ഇയാളുടെ വീട്ടില്‍ നടത്തിയ പരിശോധനയില്‍ വാറ്റ് ചാരായം ഉണ്ടാക്കാനുള്ള ഉപകരങ്ങളും കണ്ടെടുത്തു. നീലേശ്വരം തോപ്പ് കേന്ദ്രീകരിച്ച് കുളച്ചലില്‍ നിന്നും മറ്റും മത്സ്യ ബന്ധനത്തിനായി വരുന്നവര്‍ക്ക് ചാരായം വാറ്റി വില്‍ക്കുന്നുണ്ടെന്നുള്ള രഹസ്യവിവരം കിട്ടിയതിന്റെ അടിസ്ഥാനത്തില്‍ എക്‌സൈസ് ഇന്‍സ്‌പെക്ടര്‍ ജി.ഗോപകുമാറും സംഘവും നടത്തിയ പരിശോധനയിലാണ് ഇയാള്‍ പിടിയിലായത്.