കൊച്ചി: അട്ടപ്പാടി മഞ്ചിക്കണ്ടി മാവോയിസ്റ്റ് ഏറ്റുമുട്ടലിന്റെ ഫോറന്‍സിക് ഫലം ക്രൈംബ്രാഞ്ച് കലക്ടര്‍ക്ക് കൈമാറി. ഏറ്റുമുട്ടല്‍ നടന്ന പ്രദേശത്ത് നിന്നും കണ്ടെത്തിയ ആയുധങ്ങള്‍ മാവോയിസ്റ്റുകള്‍ ഉപയോഗിച്ചതാണെന്നാണ് റിപ്പോര്‍ട്ടില്‍ പറയുന്നത്.

കൊല്ലപ്പെട്ടവരില്‍ തിരിച്ചറിയാനുണ്ടായിരുന്ന രണ്ട് പേര്‍ കന്യാകുമാരി സ്വദേശി അജിതയും ചെന്നൈ സ്വദേശി ശ്രീനിവാസനുമാണെന്ന് ഡി.എന്‍.എ റിപ്പോര്‍ട്ടിലുണ്ട്.

കഴിഞ്ഞ വര്‍ഷം ഒക്ടോബര്‍ 28, 29 തീയതികളിലാണ് തണ്ടര്‍ബോള്‍ട്ട് സംഘത്തിന്റെ വെടിവയ്പില്‍ നാല് മാവോയിസ്റ്റുകള്‍ കൊല്ലപ്പെട്ടത്. സംഭവം വന്‍ വിവാദമായിരുന്നു.വ്യാജ ഏറ്റുമുട്ടല്‍ കൊലപാതകമാണ് നടന്നെതെന്നായിരുന്നു സംഭവത്തില്‍ പ്രതിപക്ഷത്തിന്റെ ഭാഗത്ത് നിന്നടക്കം ഉയര്‍ന്ന വാദങ്ങള്‍.