കൊച്ചി: ഫുഡ്‌കോര്‍ട്ടിലെ തീപിടുത്തത്തെ തുടര്‍ന്ന് അടച്ചുപൂട്ടിയ ഇടപ്പള്ളി ഒബ്‌റോണ്‍ മാള്‍ തുറക്കാന്‍ അനുമതി. അഗ്‌നി സുരക്ഷാ വിഭാഗവും കൊച്ചി കോര്‍പ്പറേഷനും നിര്‍ദ്ദേശിച്ച സുരക്ഷാ കാര്യങ്ങള്‍ പകുതിയും നടപ്പാക്കിയ സാഹചര്യത്തിലാണ് കൊച്ചിന്‍ കോര്‍പ്പറേഷന്‍ സെക്രട്ടറി എ.എസ് അനുജ ഉപാധികളോടെ തുറക്കാന്‍ അനുമതി നല്‍കിയത്.
എന്നാല്‍ റെസ്‌റ്റോറന്റ് തുറക്കാന്‍ അനുമതിയില്ല. കോര്‍പ്പറേഷന്റെ നാല് നിര്‍ദ്ദേശങ്ങളും അഗ്‌നി സുരക്ഷാ സേനയുടെ 10 നിര്‍ദ്ദേശങ്ങളും പൂര്‍ണമായും ഏര്‍പ്പെടുത്തിയ ശേഷം റെസ്റ്റോറന്റ് തുറന്നാല്‍ മതിയെന്നാണ് നിര്‍ദ്ദേശം. ഇതിനായി 45 ദിവസവും സമയം അനുവദിച്ചു.